Tamussni n tadduyt
Ula d tadduyt tessεa tamussni. Ma ur tessineḍ ara anda ara ad taddiḍ, neɣ amek ara taddiḍ taqeṛṛact, ulac d acu ara d-teṭfeḍ ass kammel. Yiwen uqcic, meskin zik-nni, ur yessin ara anda i iwata ad d-yanddi. Yettader ar tmazirt-nnsen, yettaddi-d din-a, netta din-a slid iεeẓẓiyen i yellan di tmazirt-nni. Ad d-yaddi snat n tqeṛṛacin, mi sent yessefqed ad yaf yiwet teṭṭef iεeẓẓi, tayeḍ ččan-as, tezgel. Yeṛwa urrifen ugeswaḥ! Medden akk ttaṭafen-d ifṛax imeεnen, netta izedeɣ-it iεeẓẓi. Acku d tibḥirt-nni-nnsen kan i yessen, yerna din-a d aqerqar.
Netta-nni, ma tebɣiḍ ad d-teṭfeḍ imerga d zeṛzuṛ, eddu ar wanda llant tzemmrin, d cilmun, d tuzzalt, din-a ad ten-tafeḍ ttferfiren-d am tsekwrin, ad sen tesled mi ara ṭeṛḍiqen wafriwen-nnsen, mi tt-teserseḍ teṭṭef amergu, neɣ aǧeḥmum...
Amar Tafat 21 dujambeṛ 2021
