.png){kind=tracking}
- Amar Tafat journaliste
Centres d'intérêts :
Littérature
Articles de tafatamargmailcom
Tismin n tkerkas
Par
Amar Tafat
Ta s timad-is, ta d anamek.
Tismin n wulac
Yeqqar-as : « sεiɣ tismin.» Amzun akken s tidet ! Ad d-isell Ṛebbi ad iččeḥ! Netta yezga s tguni alam cuffent wallen-is, alama d tameddit i d-ittenkar. Axṣim-is yessaweḍ adrar, netta mi d-yekker, iteddu mazal-it yeṭṭes, atan iṭṭaḥ-as i udrar s tqabact, yeqqar-as : «ad sneɣseɣ i wedrar!» Issefṛaḥ ul-is. Axṣim-is ur itteriti deg imuhal, yezga yettnerni udrar, netta mazal-it di tqabact n wawsay am temɣart deg uqwiṛ. Ula d taqabact-nni tamcumt tettenṣal-as, imi ur ittṣeggim tiɣawsiwin-is, d asmeḥtel kan i yesmeḥtil deg imuhal-is. Akka i tṛuḥ ddunnit-is umeɣbun..
Taqsiṭ n ṣibbus
Ttallsen-d, asmi neṭqen yifṛax, yiwet n tikkelt gan timsizzel, anwa ara iɛellin s waṭas deg genni, ula d ṣibbus ittekki. Ihi, tebda temsizzelt ara ttɛellin, yal wa d anida i t-yessaweḍ lǧehdd-is. Ṣibbus d netta akk i d amḍɛafu, i d amecṭuḥ gar yifṛax, maca yufa-d tiḥila imi i teḥṛeṣ tegnit, iwata ad tt-id-tawi di miḥlal d amezwaru. Amek yexdem? Irkeb s ufella n waɛrur n lbaz, ifren lbaz acku d netta i yettɛellin nezzeh gar leḍyuṛ. Yeẓṛa d lbaz ara iɛellin akk ɣef yifṛax, ulac win ara yawḍen anda ara yaweḍ, mi yeɛya lbaz tewweḍ s aḥdid, ṣibbus ad yernu tirni d asawen, ɣer din yiwen ur yezmir ad yaweḍ. Akken ay tṣaṛ, lbaz ittɛelli-ittɛelli armi i d-yettban annect n uxeclaw, ifṛax nniḍen feclen, lbaz diɣen yefcel, ṣibbus imir nni i d-yestufa. Timsizzelt irbeḥ-itt ṣibbus.
Maca akken yebɣu yili, di tidet, timsizzelt d lbaz i tt-yewwin, di tkerkas yewwi-itt ṣibbus. Maca diɣen akken qqaren "tiḥeṛci rnu-tt ɣer tigzi", imi win iḥeṛcen ittmeyyiz, yerna ittsellik iman-is Win iẓewṛen diɣen s wazal-is, yesɛa taɣara. Izem ɣas yeǧhedd yewɛeṛ isweḥel-it wuccen. Uccen diɣen ɣas yeḥṛec yufa-d win i t-yugaren, isweḥel-it inisi. .
Ugar n yiḍṛisen - plus de textes.
Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.
Dans Actualités
Tidukla Tadelsant Adrar n Fad , tafaska n tmedyezt
Par
Amar Tafat
Tidukla Tadelsant Adrar n Fad tesuddes-d tifaskiwin n tmedyezt, am wakken tettarra tijmilin i yimeɣnasen d yimussnawen d tmussnawin di taɣult n tmussni d tussna n tmaziɣt. Ar deqqal n tejmilt n Lmulud n At Mɛemmeṛ, ilindi, tikelt-a atan tesuddes-d diɣen tafaska n tmedyezt d tsekla, ɣef waya tesuli azal s tejmii Massa Tasaɛdit Yasin, azal n 50 n yiseggasen aya netta d leqdic ɣef tutlayt n tmaziɣt di Fṛansa, di l'Inalco, di teẓṛigin Armattan, akked Dda Lmulud n At Mɛemmeṛ artg...Lire la suite
Dans Actualités
Qasi Iḥeddaden ameɣras s wazal-is
Par
Amar Tafat
Qasi Iḥeddaden agrawliw
Amulli n tmettant n umeɣras Qasi Iḥeddaden, ass 23 di meɣres 1957 di lɛeṛc n At Xlili Mekla. Ad isgunfu di talwit, talwit ɣef imeɣrasen s umata.
Qasi n iḥeddaden seg taddart n Tiɣilt/Izarazen, d yiwen n ugrawliw ameqqran yeffɣen yettnaḍaḥ ɣef tegrawla gar imezwura di 1945, yella yagi d ameɣnas deg ikubar mgal tamharsa n wefṛensis di PPA d MTLD. Qasi iḥeddaden d isem kan n ugrawliw, ma d isem-is n tidet Usmaɛil Qasi seg twacult Usmaɛil deg taddart n Tiɣilt n Izarazen. Llan yimɣaren i d-ittawin fell-as awal s yiseɣ, qqaren: «Qasi Iḥeddaden d yiwen wemdan yukin send ad akin wiyiḍ, yeẓṛa ad d-yas wass ad tawi Lezzayer timunent. Neɛya, ad neqqim di lqahwa n Wennar Qelɛa netta d ameɣnas, ad d-yas ɣer lɣaci ad d-ijmeɛ iṣuṛddiyen i wkabar n PPA/MTLD, ma d lɣaci llan wid ur uminen ara ad teffeɣ fṛansa, seg tama-s netta isegzay-ten, iqqar-asen" am wass-a ad tezureg Lezzayer ad tili gar tmura tilelliyin, ».
Tugna n Larbi Oumatous
Aṭas i yesmeɣnes deg ikubar i d-bedreɣ di tazwara, asmi i d-tewweḍ tin-a n 54 daɣen ikemmel deg-s s wemrig gar ifassen-is. Di tegrawla n 54, yerfed legṛad, sulin-t aqebḍan(capitaine), yeṭṭef tama Sidali Bunab, imi yeẓweṛ yekkat znad sbedden-t din-a d aɣella n la zone.