Tasɣunt Tiliwa - revue Tiliwa - anṣuf yis-kent yis-wen - bienvenue à tous

Tiliwa

Tagi d tasɣunt i d-ittakken isallen n yidles amaziɣ, yettaru-d s tuget s tutlayt n tmaziɣt. Imeskaren yebɣan ad d-run ɣur-s, ɣef usentel yerzan idles d tsekla d tmedyezt, imagraden n yidlisen i d-yeffɣen, zemmren ad d-aznen iḍṛisen d yimagraden-nsen ɣer tansa n ublug : tafatamar.tamurt@blogger.com

Cette page présente des informations sur la culture amazighe, rédigées principalement en langue amazighe. Les auteurs souhaitant collaborer avec lui sur des sujets liés à la culture, la littérature et la poésie, portrait des livre, ectr... peuvent envoyer leurs textes et articles à l'adresse du blog : tafatamar.tamurt@blogger.com

Tasɣunt - revue - "Tafuɣalt"

Tasɣunt-a ad tili d yiwen n uferdis n tigemmi, ara d-iqqimen d aktay n temnaḍt n At Jennad di tirawt s tutlayt ntmaziɣt, ɣas akken yella kra n wayen ixuṣṣen deg-s. Qqaren deg inzi «Win ittṛuẓun asalu iteddu akken yufa mačči akken yebɣa». Tasɣunt-a tcuba inzi-a.

Tasɣunt "Tafuɣalt" i d-tessuffeɣ Tidukla Tadelsant Yusef U Qasi deg useggas n 1998, wa d uṭṭun 01... (Ittkemmil)

Anṣuf s tirza-nwen ɣer ublu-inu! Ǧet-d awennit d asebɣes. Merci de visiter mon blog ! N’hésitez pas à laisser un commentaire.

«Iṛuḥ wul ad d-ikkes lxiq, yufa leḥbab d imuḍan»

Tazwara - la une

Tagejdit - éditorial

Aru s tutlayt-ik ay amaziɣ, iwakken ad k-id-ɛanden wiyiḍ ɣas d ijenṭaḍen, tamaziɣt d tutlayt tilellit, am wass-a ad teferfer s wafriwen mačči kan s iḍaṛṛen d warkasen. Eg-as asirem i tudert, ur ttaǧǧ ara tawwurt n tmussni d tussna ad temdel, acku tussna d iṭij, tamussni d tiziri, ur ten-ttɣummu ara s uɣerbal, anef-asen ad ssiɣen tafat i wid ibɣan ad ddun yid-sen. Aḥuddu aḥunu i wid d tid yessnen ad ɣɣren tamaziɣt, ugar ɛad wid d tid i tt-iselmaden, d wid d tid i tt-ittarun, ad ten-isnemmer umezruy, ara d-megren slid aserhu d yiseɣ.. Amar Tafat

Tadwilt tameslawt(audio) ɣef Yusef Yusef U Qasi n At Jennad, amedyaz n tallit n 17, Hachimi Touzene akked Amar Tafat di ṛadyu tis snat.

Tadwilt-a tεedda-d ass n lexmis 27 di nwambeṛ 2025 ɣef 18t, d yiwet n tedwilt i d-isawal Foudil Lounas. Inced-d sin iεeggalen yesεan isallen ɣef Yusef U Qasi amedyaz : Hachimi Touzene d aselway n Tidukla Tadelsant Amusnaw n temdint n Tizi Wezzu, akked Amar Tafat, d aεeggal n Tidukla Amusnaw, d amaru s tutlayt n tmaziɣt yura tazrawt(etude) ɣef umedyaz Yusef U Qasi.(Ittkemmil) 20251120 120447

Tadiwennit akked Madjid Oumnia

D yiwen n umaru yettarun s tutlayt n tmaziɣt, d ameɣnas s yimru Maǧid Umnya d yiwen n umaru s tutlayt n tmaziɣt, d ameɣnas s yimru yefkan azal i tutlayt-is, ittaru ula d tasuqqilt. Nefka-yas tuttriwin yerra-yaɣ-d fell-asent, deg-sen taqbaylit tazeddgant, ur t-zegglet ara s tɣuri. Ɣret d acu i d-yenna yal awal s unamek-is. ...

"win iḥerzen ayen i as-d-ǧǧan lwaldin-is yelha, win yernan kra fell-as yif-it maḍi", Lmulud n At Mɛemmeṛ

Taɣerma n yimaziɣen

Inzan n teqbaylit - proverbes kabyle

Inzi n wass-a

ya ass ggar-aɣ-d yiwen yinzi ma tettdillim ɣer umagrad agejdan, ɣer ugar...

Inzan n teqbaylit

«s kra n win ijehlen yegguǧ, yeǧǧa-d tarwa-s di twaɣit»

Imezwura ǧǧan-d inzan, d awalen yesεan anamek, deg nettaf acabi ɣer temsal yebɣan ad aɣ-εeddint. Nettaf-iten d leslak di tegnit iserfen, yal tikelt nettaddam-d deg-sen wid netteḥwiǧi deg umkan iwulmen. Ticki i d-yusa yinzi ɣer wallaɣ ad t-id-nini, ad yerzu amkan-is, ad d-neḍḥu am wid yestaεfan. Awal deg umkan-is, yesεa azal meqqer, am win yuḍnen yeḥla. Am wakken ara naf tutlayt n Tmaziɣt tesεa azal yiss-n m'akken tella di timawit. Mi ara k-yini yiwen : "leflani yessen taqbaylit", iban ad t-naf yesεa idles, yessen ula d inzan d waṭas n isafaren-is...

Idlisen - livres

Tirrect n wass-a

Tasɣunt "Tafuɣalt - pdf

Tasɣunt-a ad tili d yiwen n uferdis n tigemmi, ara d-iqqimen d aktay n temnaḍt n At Jennad di tirawt s tutlayt ntmaziɣt, ɣas akken yella kra n wayen ixuṣṣen deg-s. Qqaren deg inzi "Win ittṛuẓun asalu iteddu akken yufa mačči akken yebɣa"Tasɣunt-a tcuba inzi-a.

Tasɣunt "Tafuɣalt" i d-tessuffeɣ Tidukla Tadelsant Yusef U Qasi deg useggas n 1998, wa d uṭṭun 01, ɣas ulama d wis sin, send tagi yeffeɣ-d wuṭṭun waru(0), ladɣa tin-a tekfa ur d-teqqim deg-s ula d yiwet n tesɣunt iwakken ad tt-id-nesbin dagi. Ffɣen-d deg-s azal n 1000 n yimedyaten. tenza tekfa. Tasɣunt tewwi-d ɣef waṭas n yiḥricen, tasekla tatrart, tasekla taqbuṛt, imagraden n tedmi(reflexion), tadiwennit, uraren, artg...(Ittkemmil)

Aɣmis n ublug #tamazight_ass-a

Ageffur n tefsut | Adlis

Yusef U Qasi | adlis (livre)

Isefra n Yusef-U-Qasi

AMSAWAL | recueil de poésie - Amar Tafat

Amedyaz Amar Tafat

Anṣuf s tirza-nwen ɣer ublu-inu! Ǧet-awennit-d d asebɣes. Merci de visiter mon blog ! N’hésitez pas à laisser un commentaire

Tamedyezt- poésie

Tasɣunt "Amusnaw"

Tasɣunt "Amussnaw" i d-tessuffeɣ tidukla Tadelsant Amussnaw di temdint n Tizi Wezzu, tesεa 24 n isebtaren d tajmilt i umedyaz aqbuṛ Yusef U Qasi n At Jennad. Γef ublug-a ad tafem zuzreɣ-awen-d 12 isebtaren i wakken ad twalim kra deg-s d wamek tega, i syen akkin, ma yehwa-yawen tzemmrem ad tid-taɣem.

Tasɣunt uran-d deg-s kṛad n wid ittarun s Tmaziɣt, d tefṛensist. Hachimi Touzan d aselway n Tiddukla, yura-d s tefṛensist, ɣef Yusef U Qasi, d wazal yessεa di tmetti di tallit n 17 d 18.(Ittkemmil)

ASEFRU "TAZEMMURT" SƔUR AMAR TAFAT

Aqlaɣ di tesemhuyt n tegrest tura yewwa uzemmur, yebda lqeḍ n uzemmur, win yesɛan tazemmurt yewweḍ-itt, ad t-id-yelqeḍ, imi d zzit-is d yiwet n tanga(matiere) yessɛan ddwa, mačči d awal kan! Medden akk leqḍen azemmur,ladɣa Iqbayliyen, qeccuc mecu. Yal ass d win i d cɣel amezwaru, MIi leqḍen medden; deg-s d amerreḥ di lexla, deg-s d amahil deg ara ɣelten medden. Atan usefru ɣer-wen ɣef tzemmurt d wazal-is. Asmuzget igerzen s umta.(Ittkemmil)

Anṣuf s tirza-nwen ɣer ublu-inu! Ǧet-d awennit d asebɣes. Merci de visiter mon blog ! N’hésitez pas à laisser un commentaire.

Tasekla am tala zik-nni neɣ tura, tezga t-ttazzal s teqbaylit...

Telha tezdeg deg iberdan, diri win isamasen. Yal amdan ad iḥader, imi dayen ara iḍuṛṛen. Ammus yesɛa amihi, i d-ittawi d aṭanen...

Tasekla - littérature

Iles ur yesɛi iɣes

Yella waleɛeḍ iseqdac iles-is ma d igan ulac, ak-yini "nek zemmreɣ ad xedmeɣ aya, ad rnuɣ aya d uya!", qqaren, "argaz yettwaṭṭaf deg yiles", netta melmi i d-teḥdeṛ tidet ad tafeḍ ulac-it. Yella wayeḍ ad tt-ttekleḍ fell-as, acku tikli-s temgarred, tezmreḍ ad d-tiniḍ d izem neɣ d lbaz, ɣer wiyi i tt-cabin imdanen yesɛan tirrugza. imaziɣen. Ɣef waya i d-ǧǧan inzi ɣef umezwaru-nni : «ittmeslay umeksa uqbel ad d-yaweḍ bab n yiger».

«Ɛuhdeɣ tirezzaf n meɣres, d win ɣur-s, alama yeger-d wejdam timceṭ» inzi

Tamacahut - Ameddakel iṣeḥḥan

Tamacahut-a, d izen n ttṛebga d tmussni. Kkseɣ-tt-id deg yiwen udlis yura yiwen n Ufṛensis*, netta yura-tt s usikkil n usmeckukel, nek rriɣ-tt-id ar tmaziɣt n wass-a, i wakken ad tishil i imeɣriyen yessnen tamaziɣt.

Ameddakel iṣeḥḥan

Yiwen n umɣar i zman amezwaru, issεa kuz(4) n warraw-is. Kṛaḍ(tlata) meqqerit: ssnen medden. Yiwen d ameẓyan, ur issin ḥeḍd. Amɣar-nni ɣur-s yiwen n umeddakel di ddunnit...

Idles - culture

Ma yella yidles ulac win ara t-yallen, adlis ulac win ara t-yeɣren, qqaren-as : "am win iceṭṭḥen i uderɣal.

Tametti teḥwaǧ idles, maca aɣref-is iwata ad as-yefk azal. Tutlayt n tyemmat-tamaziɣt neẓṛa yakk d akken d netta i d llsas, tura tella deg uɣerbaz, imawlan iwata ad senhamen fell-as, ad ttmeslayen i warraw-nsen, d acu n wazal tesεa di tudert neɣ deg yidles-is, d umezruy-is. Ma yella yidles ulac win ara t-yallen, adlis ulac win ara t-yeɣren, qqaren-as : "am win iceṭṭḥen i uderɣal." Agad d tagad ixeddmen rnan ala uk! Awer nili seg wid ikeṛhen taɣuri, neɣ d wid ittɣunzun idles, ma ulac tametti ad d-teḍḥu war anamek(war lmaεna), ur t-ttili am teqbuṛt nni zik, ur t-ttaweḍ tagi-kana n tura. Yal tametti igerzen, yal taɣawsa tettwenniε s tmusni d tussna.(kemmel...)

Tillufa

Di ddunnit-agi tamcumt, win yesεan zheṛ ad yexdem akken yebɣa, yexṣeṛ neɣ yecmet, ad ten-ikkat ɣer igenni, ad s-rennun afus s ufella! Ma d win ur nesεi zheṛ, akken yexdem, ɣas yelha as-inin, yexṣeṛ! Akken qqaren imenza deg inzi : iqwel uqelmun s iḍaṛṛen.

Asefru n Yusef U Qasi: Buzegza: Yenna Yusef-U-Qasi Bu zegza Lqanun win ilsan di ṭṭṛad abeṛnus ixulfen di nnul, mačči d amellal, ad innaɣ di lbiraz mačči anda yedreg. Yiwen ...

Anṣuf s tirza-nwen ɣer ublu-inu! Ǧet-awennit-d d asebɣes. Merci de visiter mon blog ! N’hésitez pas à laisser un commentaire

Amezruy n yennayer

Send ad d-awiɣ awal ɣef Yennayer, iwata i wakken ad rreɣ tajmilt i yimeɣnasen n Tmaziɣt i aɣ-yeǧǧan, fell-asen talwit s umata : seg Bulifa, ɣer Belεid At Aεli, Lmulud n At Mεemmeṛ, Tawes Ɛemṛuc, Muḥend Aεṛab Bessaεud, Amar Negadi, Lmulud Ferεun, Lwennas Maεṭub, Yidir, Meksa Abdelkader, artg...

Tisbeddit n Cacneq di temdint n Tizi Wezzu

Di tazwara, i wakken ad d-awiɣ awal ɣef Yennayer, iwata ad sɣezeɣ i wakken ad awen-d-iniɣ ansi d-ikka, d wamek i d-yella, anwa akud.

Ihi Yennayer yekka-d seg tuṭfa tamezwarut n udabu ageldan n Imaziɣen di tmurt n Maṣeṛ di 950 send Mass Ɛissa, ɣef yixef-is Cacneq Amaziɣ, di tgelda tis 22, ar deqqal n tgelda taneggarut n Iferεunen.

Γef tgelda-agi, Cacneq yega tameɣra tameqqrant yecban ttebyita, isečč s seksu d uyaziḍ deg wass amenzu n useggas 1 di Yennayer. Imaziɣen n Tmazɣa s umata umren s tgelda-agi tamezwarut n Imaziɣen, umren s tmeɣra-agi yega Ucacneq, ihi rran-tt d ansay tettuɣal-d yal aseggas, yal amenzu n Yennayer. (timkemmelt...)

Tamedyezt tameslawt - audio - Seg ul zeddigen - sɣur Amar Tafat.

Recueil de poésie en audio - Amar Tafat poète en kabyle-tamazight - intitulé - Seg ul zeddigen . Poésie kabyle-tamazight. Ammud-nni n tmedye...

Tasekla - aḍṛis imawi - texte audio - Amar Tafat

Tasekla - littérature Yiwen n uḍṛis imawi ɣef tsekla d wazal-is di tmetti neɣ deg ubrid n tmagit https://tasekla-n-tmazight.e-monsit...

Tametti - société

Ansay n tcemmlit

Zik ttallsen-d, illa wayen umi d-cfiɣ srid, di tegrest mi tezdi llehwa, ad yaf lḥal tiregwa fersent di taddart, ɣas teɣṣeb tegrest, ur ḥebbsen ara waman iwakken ad gen iḥemmalen d isyaxen. Xeddmen tiwizi deg yiwǧiben, irna seḥbibiren wagar-asen, win yeḍṛuṛan ad azzlen ɣur-s Ẓṛan tameddurt-nsen rqiqet ttemyullen(ttemεawanen)gar-asen. Ar tura mazal ttemyullen di kra n tudrin ittqaddaṛen ansayen n teqbaylit di taddart taqbuṛt. Am akken neqqar : «af-iyi ad k-afeɣ, mačči d Ṛebbi ad k-εebdeɣ.»(kemmel)

IGERDAN N ZIK

Ma aD d-nawi awal ɣef ugrud n wass-a, d aqcic neɣ d taqcict, iwata ad nḍill ɣer umezruy acu i d-yenna fell-as, di tillay iwumi i d-necfa, i d-cfan imeqqranen(ittkemmil).

TADDART AM UXXAM

Zik asmi d imussnawen i ittsewiqen ɣef tudrin ulac d acu yettxaṣan, yal ugur i d-yellan ferrun-t. Imsewqen n taddart ur stehzayen ara, sedduyen taddart am wakken sedduyen ixxamen-nnsen. Fell-asen tajmilt, d tigna di talwit(Ittkemmil)

Aktayen n taddart

Ḥemmlaɣ ad d-senfaliɣ s tira ula ɣef taddart, amek nettidir tura d wamek ttidiren imezwura, sarmeɣ yella wacu ara d-tleqḍem di tira-w.

Talluft n trisiti

Deg iseggasen n 90 d akessar nella nettidir di tillas di temnaḍt-nneɣ n Izarazen, imir ulac trisiti, nella neɣɣar nettaru ɣer tcemmuεt, wiyaḍ ɣer llamba n ugaz, yella ukanki, yuɣal terna-d teftilt n tbunbunt n ugaz, tin-a tgerrez telha tafat-is am trisiti. Nsell i ṛadyu s iblaḍen(pile), taftilt n ufus(l'ampoule) diɣen s iblaḍen. D tamnirt, d lmeḥna, d laxeṛt! Armi d aseggas n 1994 i aɣ-ceεlen trisiti, maca llant tudrin ssεant send-nneɣ... Cfiɣ ass-nni deg i aɣ-ssaɣen trisiti nega tameɣra tameqqrant deg Izarazen, nek seg tama-w necdeɣ-d kra n iεeggalen n umaṭṭaf wis sin: Saεid Freha, Maǧid Ben Belqasem, Arezki Azuz, gan-aɣ-d yiwen n umahil igerzen, tnemmer-iten taddart-nneɣ s waṭas. Arrac n Izarazen qedcen s tumert d rezgg, yal wa d tirni i d-yefka ass-nni deg wahil n tmeɣra. Yella wawal, tella tmedyezt, akked d ccna di taggara. D asmekti kan s tewzel ɣef waktay amezwaru deg Izarazen (ittkemmil)