Γur-i tasɣunt tettiṛṛiq, ttaruɣ-d deg-s yal tallit, tiɣri-s tezegger i waman, tban-d deg umaḍal, tettuɣal-d s tumert. Si tama-w semmaɣ-as adlis, uḥdiqen ttemlilin-d ɣur-s, tenerna yiss tmaziɣt. Aru ay afus rnu, ur ttcuḥu i rezgg n tutlayt-ik, tin i ak-yettaɣen awal, yiss ttarun idammen-ik, tin-a i ak-d-ǧǧan imarrawen-ik, d nettat i d tamagit-ik, sali-tt nnig uqerruy-ik.
Tutlayt n tmaziɣt temugger-d kra n warraw-is d yesis i tt-irefden akken iwata, ass-a mačči am yiḍelli, yella-d ubeddel d ameqqran. Ttawil ttawil ad uɣalen d aṭas kra-agi, win neɣ tin yukin yiss, ur yettuɣal s iḍes-is.
Ayen akk yellan di tussna d tmussni, neɣ di tetiknulujit, d wayen i d-ittnulfun yenfeε tutlayin, seqdacent-tt, yelha-as ula i tutlayt-nneɣ. Win ara d-yinin ala i temsal-agi, yewwet-it wugur! Ma d win ara t-isqedcen, as-iniɣ :« je te tire chapeau.»
Amerezgg-is i win izemmren ad yeg tirni tameqqrant deg idles-is s tutlayt-is, tettuɣal-d teɣri-s seg yal tama! Am win-a inehṛen yal taɣawsa, inehheṛ ibilu, tamubilat, ṭumubil; inehheṛ ula d timesrifegt. Wagi qqaren-as wuḥdiqen : « affud igerzen...»
Ad teɣrem deg usebtar n ublug, kra n isefra n kra n imedyazen i d-sbuḥteɣ azal n 3 n iseggasen-aya : Yusef U Qasi, Ccix Muḥend U Lḥsin, Si Muḥend U Muḥend, Yidir Ḥmed Zayed, Belaid At Mejqan , Amar Tafat . Timlilit ɣer Ublug : >> https://idlesblogspotcom-tamussni.blogspot.com/2020/07/tamedyazt-n-imedyazen_2.html
Amar Tafat
