Slemdet yiss arraw-nwen
Ad issinen ad tt-arun
Tutlayt ur tettali iman-is
Ma ur nessebɣes wid yettarun
Nerra-tt kan ɣer deffir waεrur
Am wakken nekkes aqelmun
Awer feclen iselmaden-is!
Leqbayel ɣas ttemḍuddun
Ma d agdud s lekmal-is
Izzayriyen ttemɣulun
Iwata ad naɣ idlisen-is
D taneṣlit i aɣ-d-ḥekkun
Anwa ara yeǧǧen tutlayt-is
Ala abuhal ikemmun
Tamaziɣt ɣer wuḥdiq s wazal-is
Ur tt-ittbeddil s ugermum
Uḥdiqen ɣas ttemḍuddun
Γer nnif-nsen ttembuddun
Ayɣer ara nezenter llaṣel
Naεdel yakk d yiwen wedrum
Ad ncabit ɣer tikli n yizem
Ur nettcabit ɣer tin userdun
Tutlayt-nneɣ tesawel-d
Llfeṛḥ yid-s ad idumm
Ad tt-nall akk s Izzayriyen
Kkret seg iḍeṣ galεum
Tamagit--nneɣ d tamaziɣt
Seqsit agad yettarun
Rnut salit-tt-id d asawen
Ma yella teɣli ɣer wemdun
Kkret sfezwit s tmussni
Wid yessnen yiss ad arun
Kkret sfezwit s tigzi
Wid yessnen yiss ad arun
Amar Tafat, tubeṛ 2023
