Asfuggel n Yennayer ur iwata ad t-yettu Umaziɣ
Anṣuf s Yennayer asaεdi
Idles Amaziɣ
Deg useggas d ass amenzu
Yuli-d am waggur lεid
Yeḍwa tudrin d temdinin
Yal aɣmis fell-as iḥekku
Yebda-d di 950 send Mass Ɛisa
Di trennawt n tegrawla
Azemz n Ucacneq Amaziɣ
Tameɣra-s tewwi-d iẓẓid
Seksu d Uyaziḍ
Tafaska yega Ucacneq
Tagi d tameɣra n ugellid
Isem-is yettali yettzid
Isem-is ittali yettmeǧid
Amezruy ma ad t-yettu
Aɣref Amaziɣ irfed-it
Γer igenni yesuli-t
Yal uḥdiq yewwi-d asefru
| Win iqesden iwzan yečč-iten, win iqesden ifeggagen yewwi-ten |
Amar Tafat, Yennayer 2019
