Yiwen wass seqsaɣ imdanen ur nessin, ɣef wayen mehleɣ yili ɣur-i yebbi-yefren
Nniɣ-asen i wid ur nessin. Bɣiɣ ad iyi-tinim a lfahmin. D acu twalam deg-i imi sefruyeɣ ?
Inna-ak yiwen : Iwata ad tqefzeḍ ay amedyaz. Ur ttkal ara kan ɣef isefra-k. Ma ulac ad tiliḍ kan d amdan am wiyiḍ.
Inna-ak diɣen wayeḍ : ɣas tesefruyeḍ, ur ḥetteb ara iman-ik meqqreḍ ɣef imdanen nniḍen, ur tt-kellix ara iman-ik, ur t-ttawiḍ ara yid-k ddunnit ɣer llaxeṛt.
Inna-ak wayeḍ : ima tesefruyeḍ, aql-ak am umeddaḥ, wali ameddaḥ mi d-iεedda amek i tettwalin medden ad twaliḍ iman-ik d acu-k. Neɣ wali aḍebbal.
Inna-d wayeḍ : Ima tesefruyeḍ aεni d anemhal i telliḍ, neɣ d lmir, neɣ d aneɣlaf, neɣ d aselway i wakken ad iyi-d-tiniḍ ifeɣ-k? Ur tezmireḍ ad tefruḍ kra n temsalt, wala ad teseqcreḍ tibṣelt. Tzemreḍ kan ad d-tiniḍ acu yeḍṛan.
Yenna-k wayeḍ : tesefruyeḍ s tidet icbeḥ wayen i d-teqqareḍ s umata, maca, teḍṛa-ak am win-a ittargun, mi d-ikker yuki-d di tnafa iwala ddunnit, iwala imdanen isfulluḥen s tidet, yuɣal iḥqer iman-is.
Inna-ak wayeḍ : nettqessiṛ kan ay aḥbib
Nek nniɣ-asen : yiwen deg-wen ur d-iwwi awal iṣewben, yiwen deg-wen ur isawal tidet, illel(lebḥaṛ) teseɣremt s tiktiwin-nwen, tesnem kan ad tgezmem asirem. Awal-nwen ur i d-iṣbiḥ deg wallaɣ. Ad mehleɣ kan imuhal-iw, am wakken bɣiɣ, war ma seqsaɣ yiwen.
Amar Tafat
