Amaru yettaru ur isεi aɣbel deg usiẓṛeg ɣef udlis-is, tamussni d tussna s immal ttalint di tmettiyin, tigzi d ttṛebga cebḥent tagnit, medden akk d imeɣriyen
Di tmurt n Fṛansa, neɣ tid akk ittuqeddmen, ad naf gan ttawil i umaru, d tira. Tin ɣur-s ttuṛebban-d ɣef tɣuri d tmussni d tussna, ammur ameqqran deg ugdud iḥemmel ad iɣer, ittaɣ adlis . Imura llan wid i d-isuffuɣen alama d 20 30 40 50 n yidlisen, yella win i as-iqqaren : «ad ssuɣ abrid s yidlisen». Yerna ɣer ɣur-s drus! Amaru ittuxellaṣ, ur yenḥaf ara. Dagi, win ibɣan ad d-isuffeɣ adlis, iwata ad d-isenɣes deg umεic-is, neɣ iwata-as ad iṛǧu ard yuɣal d amεellem, yerna ad tafeḍ meskin ittessed deg tira irennu. Wama adlis-is, yettargu ad t-iwali deg tnedlisin, idder s usirem, am umectaq n rbeḥ. Susmet kan, ɣef tin yeḍṛan d imura n tmaziɣt! Ad d-nini : «ur iwata ad netqelleq dayagi.»
