Ma tẓideḍ ad ak-ččen alama d iɣes llɣaci
Inna-as uneɣrim : « Aqli qqimeɣ deg umkan-iw, yiwen ur t-qelqeɣ, yiwen ur t-εettbeɣ. Maca, llan medden keṛhen talwit, d win i tt-iseqdacen, ttxemmimen akken nniḍen, qqaren-as « wagi d neyya, d tixsi, iwata ad tt-neddu fell-as . » Medden-agi ḥemmlen win ittnadin ɣef lbala, neɣ win ireqqen am usafu, neɣ am uzrem ittṣuḍun, ma tqerbeḍṭ ad ak-id-yesfi. Ma d win yellan d llεali ur yelli d iri, ttnadin ad as-kecmen di temsal-is. Win yellan d amussnaw ittḥadar irgazen llεali, i lmend n uzekka, acku argaz llɛali akken yelha i yewɛeṛ. Maca win ur nessin, ɛeddi kečč segzi-t. Ungif yettiɣil yiwet n tewwurt kan i yellan deg umdan, ma iserreḥ ubrid ad ittkemmil kan aḥbas ulac, alama i t-id-yerra uɣrab n wuzzal yerɣan s aneyyir, ara d-yaki. Acku yella deg inzi usentel-a, seg zik yella waya mačči alarmi d ass-a. Inna-as wungif : εeṛḍeɣ ad d-kkseɣ allen-iw ɣef umdan yelhan, ufiɣ urzmireɣ. » Ihi, tikli-agi ur iwata i umdan ad tt-iseqdec, ad yili kan d win isexlaḍen, da ad yelhu, di tama nniḍen ad ixaṣ am wakken i as-yenna yinzi n teqbaylit : « ur tt-iṛẓig i wakken ad ak-susufen, ur tt-iẓid i wakken ad k-seblaεen. » Akka kan i iwata ad yeddu umdan akked llɣaci ma ulac ad d-igri weḥḥed-s, neɣ ad t-ččen ma iserreḥ i iman-is..
Amar Tafat
| Win ibɣan ad ilhu, ulac am win ara yelhun ɣer imawlan-is, d warraw-is. Syenna ur k-id-ittas ara waḍu asemmaḍ |
