Ixeddim
Ixeddim
Ixeddim d llsas n ddunnit
Yis i ddren yimdanen
Yis i yuẓen di tdamsa
Ččan ṛwan ssagren
Yis ay lsan iselsa
Refden iqerray-nsen
D ṣṛaya neɣ lḥaṛa
Sulin εellan ixxamen
Akken ula d timura
Banen-t-d tid ixeddmen
S tiktiwin d wusnulfu
Sεant ṣenεat meqqren
Yal wa ixeddem tamussni-s
Llan wagad iẓewṛen
Xeddmen s umata medden
Tilawin d yirgazen
Mgal llaẓ aḥbas ulac
S ixeddim ttkemmilen
Ixeddim s wazal-is
Γer wid ifehmen yessnen
Axeddam s wazal-is
Ad t-xelṣen ad t-sfeṛḥen
Win ittcemmiṛen iɣallen-is
Yeεdel d win irebḥen
Snemmireɣ wid ixeddmen
S wulawen-nsen
D acu i yḥemmel Ṛebbi
Yak d amahil zeddigen
Ma ixelleṣ-itt wemdan teswa
Uḥdiq yiss ad yamen Llan
wid ixeddmen s tḥila
Amahil iεewjen
S umeckukel d tlufa
Γur-sen medden ttwexiṛen
Rnan sexṛaben s ufella
Imdanen nni i ten-yifen
Anda llan terwi ṛeḥba
Amkan-nni ad t-reksen
Ttɣiḍen imdanen yelhan
Akked d imcumen ma xelḍen
Ahat ad tt-ṣeggem yiwwas
Ad iǧhiden isaεdiyen
Yal wa ad yaf i yuklal
Imcumen ur tt-izmiren
Yura-t-id Amar Tafat
Idlisen n tmedyezt yura Amar Tafat
Anṣuf s tirza-nwen ɣer ublu-inu! Ur εeggzet ara ǧǧet-d awennit . Merci de visiter mon blog ! N’hésitez pas à laisser un commentaire.
