Anwa abrid ara nawi iwakken ad tgerrez tutlayt
Wid akk ittarun s tutlayt n tmaziɣt lhan ɣur-i. Γas ulama llan wid ittagan tuccḍiwin, maca llan kra ayen i d-qqaren yesεa azal, ur t-id-qqaren ara widak yettwasnen d imussnawen. Yal tasuffeɣt(publication) i d-muggreɣ qqareɣ-tt, ttagaɣ-as jaime akked d uwennit, i syen akkin d aya i tuḥwaǧ tutlayt-nneɣ. D amyaɣ n uεiwen, d asebɣes n tid d wid ittarun, ad nanef i temɣer d usmenteg deg ubrid-a n tira n tutlayt mazal ur temmid, imi d ayen isefcalen amaru, mazal meẓẓi wennar i tiqqar akked d umεebbeṛ, awfan ad d-rnun tid d wid ara yarun, nekni ad asen-nini : anṣuf yiss-kent yiss-wen. Ihi izen-iw i imdukkal : win isεan tikti deg wallaɣ-is d yimi-s awfan ad as-irnu s tira. Akken qqaren imenza : «ur teẓṛiḍ taɣrast iεmeṛ Ṛebbi.» Nekni seg tama-nneɣ iwata ad ten-nesebɣes.
