Neqqar di teqbaylit : « isem ɣef wayeḍ», aṭas i wumi selleɣ sawalen awal-agi, mi ara yili sin εedlen yismawen-nsen n twacult(n tfamilt), yili nutni ur mqaraben ara yakk, ur myusanen ara, yiwen di Tizi Wezzu wayeḍ atan di Bumerdas. Ladɣa tawacult TAFAT, aṭas n tmiwa deg i tella, tella deg Izarazen/ Tizi-Wezzu, tella di Yesser/ Bumerdas, tella di Bgayet. Maca tiwaculin-agi iεedlen deg isem, ɣas akken ur myusanen ara gar-asen deg yiwet n tallit, maca teddun ɣer umyusan, acku akken i ak-qqaren "aẓaṛ yettnadi ɣef tara", asmi ara ten isemyiger wakud, ass-n zemmren ad kemmlen amseddu(nekni neqqar "amselḥu"). Amcabi-agi n yisem n twaculin izmer ad yili d tidet deg uẓaṛ-nsent, lemmer ittarun lleqbayel amezruy-nsen s teqbaylit yili atan iban-d kra, tifamilin ad d-ninent amek ttwasudsent di tazwara, ad d-binen daɣen wassaɣen yellan gar-asent.
Amar Tafat
