Rriɣ tajmilt i tmeṭṭut
Imi d nettat i d llsas
Tameṭṭut ifehmen yesnen
D nettat i d asalas
Ma tezra-d di tesdawit
Ad tt-naf tecba aterras
D tamejjayt neɣ d taselmaḍt
U r telli kan d tikerkas
Di tmeti tesɛa amkan
Ma d kečč ay ungif zzem-as!
Tameṭṭut terfed tameti
D nettat i tt-iṣubben
Ma tettmeyyiz ɣur-s tiktiwin
Iban ad d-tefk irgazen
Irgazen ma teẓṛam anwi?
D wid yeɣɣran d imussnawen
Ma d rezgg yugar s waṭas
Tamara ad cebḥen yimdanen
Anda akken yugar llḥif
Mazal-iten d isɣaren
Wid iḥeqqren tameṭṭut
Nnan "yif-it m'ur teɣɣri!"
Ɣas ad tili d tungift
Awi-d ukan ur tettfiqi
Ma yella d tin iḥedqen
Ar ɣur-sen tif-itt tixsi
Imdanen ikeṛhen tidet
Ttagaden ad fflen i tizi
nessarem ad taẓ tmeti
Ad gten wid iḥedqen
Yal yiwen s wemkan-is
Ad nilit d imagdayen
Yal wa yeḥwaɣ tilelli
Tilawin nrɣ d irgazen
Yal wa ad yedder s wayla-s
Ɣer uwezɣi ur smuqulen
Aɣ-yallel ula d Illew
Illew ittra imegziyen.
Sɣur Amar tafat
